上星期收到R 的來電，告訴我他剛結婚了，要第一時間通知我。我說過待他婚後要請他吃飯，於是我們就約好過幾天等我回港聚一聚。

前晚，我們約在灣仔的一家日式餐廳。我遲了半個小時，在路上不停whatsapp 他「要慳啲點呀我無錢呀！」他大笑，當然沒理我。他說：「頂妳吖成世人先屈到妳請哩餐我要點軍艦！」

我還奇怪為甚麼他有空跟我吃飯，原來他轉工了，現在回流香港，所以有時間約我見個面。我們談了很多話，聊到我的工作時，我說我想轉行呀，去做些社會工作，薪金減一半也可以。他聽了，立即不可思議地說：「咪玩啦妳哩個港女即係綠色環保嗰啲呀？！」我不以為然：「係呀類似哩啲慈善工作啦好有意義架！」

他忽然沉默了，幾秒後他回應我：「咁其實我都想買塊地做農夫自己種菜嘅。」「妖咁點解你哩個宅男得我就唔得呀頂你？！」我反駁囉。

這餐飯他原來打算盡地一鋪的。所以每次點菜他都高呼：「我要食軍艦！」但我說，我好慘呀無人工加又無花紅，食壽司得唔得呀？他又真的很認真地考慮了一下，說：「攪錯呀刺身都唔得！」邊嘮叨邊又真的叫了壽司。

埋單，不算貴。他便說：「好彩咋唔係又俾妳數一萬年呀！」我哈哈大笑，我說忽然好想吃甜品呀你請我啦！他唯有無奈應承。

走呀走看到家「甜屋」，那些甜品很不錯啊！我忽然想到，問他：「係喎你有無買到求婚戒指？」他搖搖頭，說我上次不幫他。我死撐：「唔緊要啦慳錢呀，八折折現仲開心啦！」